Министерот за економија Крешник Бектеши денеска ќе претстојува во работна посета на кумановскиот регион каде ќе посети неколку производствени капацитети и угостителски објекти.

Овие фирми се директно поддржани преку мерките и програмите на Министерството за економија за реализација на нивните инвестиции и за справување со последиците предизвикани од пандемијата.

На средбите, министерот Бектеши ќе информира и за јавните повици за финансиска поддршка на компаниите во рамки на програмите на Министерството.

Заедно со министерот Бектеши, во посета на кумановскиот регион ќе биде и пратеникот во Собранието, Арбер Адеми.