Велика Британија објави дека постигнала рекордна продажба на оружје во 2018 година, која и била најдобра во однос на извоз на британско вооружување.

Во извештај објавен денеска, Министерството за меѓународна трговија на Велика Британија соопшти дека нарачките за оружје во 2018 година достигнале сума од 14 милијарди фунти (околу 17 милијарди долара), девет милијарди повеќе од 2017 година.

Во извештајот се истакнува дека има пораст на продажба на авионите Тајфун на Катар и компонентите за авионите Ф-35 на САД. Договорот за испорака на 24 авиони Тајфун на Катар, кој беше финализиран во септември, е во вредност од пет милиони фунти.

Според овој извештај, Велика Британија е втор најголем извозник на оружје во светот, зад САД. Американскиот удел во светската трговија со оружје изнесува 40, а британскиот 19 проценти.

Русија, која е трет најголем извозник на оружје, има 14 отсто удел во пазарот, а четврта е Франција со девет проценти