Светската музичка ѕвезда Тејлор Свифт со заработка од 185 милиони долари е најплатената јавна личност на светот.

Според најновата листа на Форбс на 100 најплатени јавни личности од светот на музиката, спортот и забавата, „Од Холивуд до Боливуд“ пејачката Тејлор Свифт со 185 милиони долари, реалити ѕвездата Кајли Џенер со 170 и раперот и продуцент Кајне Вест со 150 милиони долари се тројцата најплатени јавни личности на Светот.

Форбс листата на најплатени јавни личности ја прави еднаш во годината, на најновата дури една третина од рангираните не се од САД.

Меѓу топ десетте најплатени јавни личности тројца се фудбалери. Ѕвездата на Барселона Лео Меси со 127 милиони долари е на 4 позиција, Кристијано Роналдо со 109 е на шестото место, а Бразилецот Нејмар со 105 милиони е  десетти.

Во елитната десетка се и британскиот музичар Ед Ширан, групата Иглс, Доктор Фил и мексиканскиот спортист Канело Алвез.

Најдобриот светски тенисер Новак Ѓоковиќ е на 55 место на листата на Форбс со годишна заработка од 50, 6 милиони долари

Листата на најплатени јавни личности на основ на заработката Форбс  годинава ја направи на остварениот приход од 1 јуни 2018 до 1 јуни 2019 .