Ѕвездата на Челзи, Еден Азар, направи „хет-трик” со освојување на награди во три од традиционалните награди на лондонскиот клуб. Фановите го избраа белгискиот репрезентативец како најдобар во сезоната по рекорден четврти пат. Азар стана број еден и во анкетата меѓу неговите соиграчи, а тој, исто така, ја заслужи наградата за најубав цел.

Азар веќе е избран за играч на сезоната во 2014, 2015 и 2017 година. Никој друг не ја добил наградата 4 пати. 28-годишниот техничар е првиот, кој во иста сезона го освојува гласањето меѓу фановите и играчите на „сините”, како и ја добива наградата за најубав гол. Приврзаниците го одбраа голот против Ливерпул за Лига Купот, освоен од Челзи со 2:1.

Наградата за најдобар млад фудбалер на Челзи отиде кај Калум Хадсон-Одој. Офанзивниот играч од средниот ред моментално е повреден и се појави на церемонијата на патерици.