Баерн останува со надеж дека ќе го ангажира напаѓачот на Тотенхем, Хари Кејн ова лето. Според „Скај спорт Германија“, тимот од Минхен ќе даде уште една понуда за 29-годишниот Англичанец.

 

Од Тотенхем велат дека нема да го продадат напаѓачот, но раководството на Баерн се надева дека ќе ги убеди Спарс да се разделат со играчот.

 

Доколку преговорите сепак не завршат со успех, германскиот клуб планира да го ангажира играчот во летото 2024 година, кога тој ќе стане слободен агент.

 

Кејн е „дете“ на Тотенхем. Во сезоната 2022/23, напаѓачот постигна 32 гола и направи пет асистенции на 49 натпревари за тимот во сите натпреварувања.

 

Порталот Transfermarkt.com ја проценува вредноста на Англичанецот на 90 милиони евра. Договорот на напаѓачот со актуелниот клуб е со важност до крајот на јуни 2024 година