Потонат во криминал и корупција ја завршува политичката кариера, смета ВМРО-ДПМНЕ за Али Ахмети.

ТОј и неговото потесно семејството се најдоа во центарот на јавното вминание откако неговиот внук од брат Дрин Ахмети бесплатно ја „купи“ „Соравија“.

Али Ахмети и самиот е свесен, дека неговата политичка кариера се ближи кон крајот, а ќе остане запаметен кај народот, дека освен тоа што ја направи ДУИ криминална организација, туку и по тоа што во овие црни работи, го вклучи своето семејство, а едни од многуте примери се неговиот син Шкумбин и неговите внуци, Дрин и Бесијан.

Внукот Дрин купува згради вредни 30 милиони евра, другиот внук Бесијан е назначен од послушникот на Ахмети, министерот Османи, за прв секретар во амбасадата во Брисел, притоа скокајќи за 3 места нагоре во административната хиерархија. За да биде од дното и поголемо дно, овие двајца, заедно со синот на Али Ахмети, Шкумбин, ќе градат заедничка фотоволтаична централа, од 60 мегават-часови, која ќе биде во јавно-приватно партнерство со државата, стои во соопштението на ВМРО-ДПМНЕ.

Од партијата ги повикуваат и институциите да не молчат.

Партизираните институции очигледно амин имаат и од домазетот во владата Ковачевски, кој глуми цело време паднат од Марс, како тој ништо не знае. Затоа ВМРО-ДПМНЕ кога ќе ја превземе власта за неколку месеци, ќе знае и тоа како, да одговори на криминалот и корупцијата на власта, велат од ВМРО-ДПМНЕ.