Зоран Заев не е искрен со Бугарија и се надевам дека претседателот Румен Радев нема да падне во заблуда. Се надевам дека претседателот Румен Радев, со својот јасен и фокусиран поглед на воен пилот, нема да биде измамен од елементарните трикови на поранешниот градоначалник на Струмица. Тој момент со раката на срцето и трепкањето на очичките.

Заев не е искрен и убеден сум во тоа од лично искуство –  вели Петар Колев, лидерот на партијата Граѓанска демократска унија во Македонија (ГДУ) кој ја користи кратенката РСМ за Македонија.

Во анализа за бугарската агенција БГНЕС, Колев вели дека говорот на омраза е длабоко и трајно воспоставен во реториката не само во учебниците во Македонија, туку и во јазикот што го користат новинари и политичари.

Ова е особено видливо во темата за потеклото на Бугарите и тезата позната уште од времето на Титова Југославија дека Бугарите имаат  турко-монголско и татарско потекло, што е еден од начините на  манипулација во македонското општество. За разлика од бугарското  општество, каде што има вистинска дебата на темата Македонија, во РСМ нема ниту такво „за“ или „против“ решавање на проблемот со Бугарија.  Позициите се еднострани. Тезите што се лансираат во општеството се повеќе пропагандни отколку со јасна визија и желба за решавање на отворени прашања – вели Колев.

Тој посочува дека „доволно е да гледате телевизија и таму од утринските емисии до вечерните блокови и и дискусии нема позитивни и негативни страни и сите учесници, вклучително и самите новинари, кои се домаќини на разговорите, имаат јасен став против Бугарија или остар и динамичен јазик на омраза кон Бугарија.

Не можам да кажам дали властите во РСМ, од Стево Пендаровски до Зоран Заев, навистина не можат да спречат ширење на овој јазик на омраза… И,  ако тоа не може да се случи во приватниот сектор, останува клучното  прашање со државните медиуми. Овој говор на омраза не отсуствува ниту  во МИА, ниту во Македонскатанационална телевизија и радио – вели Колев.

Тој вели дека „РСМ намерно и наменски бара конфликт со Бугарија за да не стане членка на Европската Унија.

И тоа не сака да се случи, затоа што денешните македонски политичари и партиски лидери не можат да постојат во нормална, здрава и европска земја, како што посакува РСМ. Тие се заинтересирани само за заштита на нивните лични и економски интереси – вели Колев.