Франција вчера ја премина границата од 80.000 починати од коронавирусот, со дополнителни 700 мртви во болници или домови за стари лица, покажуваат официјалните ковид податоци.

Заклучно со вчерашниот ден, 439 пациенти со ковид-19 починаа во болниците, според Француската агенција за јавно здравје, која исто така објавува податоци за развојот на болеста секоја вечер.

Најмалку 3,3 милиони случаи на инфекција со коронавирусот се пријавени од почетокот на епидемијата, од кои 18.000 во претходните 24 часа.

Во болниците сè уште има голем број заразени пациенти, вкупно 27.637, од кои 1.931 биле примени во последните 24 часа во споредба со 1.893 вчера, според Агенцијата за јавно здравје.